بطبوط
المكونات :
250غ سميد أرطب 100 غ فارينة
1 مغرفة كبيرة خميرة خبز
1 مغرفة صغيرة ملح
1 مغرفة صغيرة سكر
كأس ماء دافي
طريقة التحضير
في وعاء نخلطو المكونات الكل مليح حتى تولي عجينة طرية و نخليوها ترتاح ساعة
على مكان مسطح عليه فارينة نحلو العجينة بقلقال و بكأس نقصوها لدوائر صغيرة نحطوهم في طبق يرتاحو لمدة 15 دق
في مقلاة سخونة نحطو كعبات البطبوط و في كل مرة نقلبوهم على الجهتين باش ما يتحرقوش
كيف يطيبو و يبردو نحلوهم و نحطو فيهم إلي نحبو عليه : هريسة مايوناز ،زیتون، تن خس أو سلاطة مشوية أو دجاج طايب كل حسب رغبته و نقدموهم في طبق
لمتابعة كلّ المستجدّات في مختلف المجالات في تونس
تابعوا الصفحة الرّسمية لتونس الرّقمية في اليوتيوب
تعليقات