أكد أمين عام حزب التيار الديمقراطي سابقا محمد عبو أن اجتماع البرلمان المنعقد اليوم الإثنين 28 مارس 2022 قانوني قائلا” اللي مش قانوني الشي اللي يعمل فيه سعيد..لازم يخرج طرف يقلو لازم تنتهي اجراءات الفصل 80.. راهو هازز البلاد للحيط ”.
وأضاف محمد عبو ”ما نتصوّرش شكون أكثر شعبوية من قيس سعيد.. قاعد يحقق في شهاويه وماشي بالبلاد للحيط..”
و في سياق آخر قال عبو : ”فما شخص تربطه قرابة برئيس الجمهورية قاعد في الدار وياخو في شهرية.. نعرف صعيب بش تكون صارم مع أقرب الناس ليك.. لكن كون نزيه ويزي من الشعارات”.
وتابع ”الرأي العام اليوم عايش بهتة.. قاعد يتفرج.. قانون الصلح الجزائي في حاجات أسوأ من قانون المصالحة اللي قدمو قائد السبسي وانتفض الشارع ضدو.. اليوم ما تحرك حد”.
وتجدر الإشارة إلى أنه وبدعوة من راشد الغنوشي انتظمت صباح اليوم جلسة لعدد من أعضاء مكتب مجلس النواب عن بعد وتم إثرها إقرار يوم 30 مارس تاريخا لإنهاء الحالة الاستثنائية.
لمتابعة كلّ المستجدّات في مختلف المجالات في تونس
تابعوا الصفحة الرّسمية لتونس الرّقمية في اليوتيوب
تعليقات